INTAMBARA Y’URUKUNDO

-
INTAMBARA Y’URUKUNDO

1. Jya wubaha buri wese_ Kristu
yigaragariza muri bose. Jya
ubakunda kuko ni abavandimwe
bawe.

2. Jya utekereza ibyiza biva ku bantu,
ntugatekereze ububi bwabo. Jya
ushaka icyiza n’ubwo haba mu
ngorane.

3. Buri gihe jya uvuga abandi neza,
ntukavume mugenzi wawe. Vura
igikomere cyatewe n’amagambo
mabi wavuze ku bandi.
Ntugakurure amakimbirane.

4. Jya uvugisha abandi mu rurimi
rw’urukundo, ntugasakuze,
ntukarahire, ntugatera abandi
kurira, jya ubarema umutima.
Bereke urugwiro.

5. Babarira buri wese buri kintu
cyose. Ntukabike inzika. Buri gihe
jya ufata iya mbere mu kwiyunga
na mugenzi wawe.

6. Jya ukora ibintu utareba inyungu
zawe ahubwo iza rusange. Jya
ugirira abandi uko wifuza ko
bakugirira. Ntugatekereze ku
myenda abandi bagufitiye ahubwo
jya utekereza wowe iyo
ubabereyemo.

7. Jya wihangana mu bihe by’amage.
Jya ugira abandi inama kandi
ubahe n’ubufasha ubikoranye
umutima mwiza.

8. Jya ukora ibyo ushinzwe neza ku
buryo abandi basoroma ku mbuto
zeze ku murimo wawe nkuko nawe
ufata ku zaturutse mu mirimo
y’abandi.

9. Ntukihunze abakene n’abarwayi.
Sangiza abandi ibyiza byawe. Jya
ugerageza kubona icyo abandi
bagukikije bakeneye.

10.Jya usabira abantu bose utibagiwe
n’abanzi bawe.

Karidinari Stefan Wyszynski

Byashyizwe mu kinyarwanda na Eric
KWIZERA
Location: Kabuga, Rwanda
I was born for a reason I grew up for a reason I am happy for a reason I am sad for a reason I do everything for a reason That's the reality of life.

Comments

Post a Comment

Popular posts from this blog

UBUCUTI

-
Inshuti! Uwo muntu mutandukanye mudafitanye isano y'amaraso mutagira ikindi muhuriyeho ariko mufitanye ubumwe, wumva wishimye iyo muri kumwe; akakuba hafi mu bibazo ndetse no mu  bisubizo...  Buri wese afite uko yavuga inshuti ye. Nta muntu utagira inshuti: yaba abakora ibibi cyangwa abakora ibyiza. Inshuti ishobora kuba bamwe mu rungano, abo uruta ndetse n'abakuruta. Inshuti zacu ntabwo twavutse tuzifite. Twagiye duhura na zo gake gake turamenyerana bigera aho bifata intera yo kuba inshuti. Hari n'abagira inshuti magara. Mu buzima n’imibereho y’ikiremwamuntu, ni ngombwa ko tubaho mu muryango mugari. Nta muntu usaba undi kuba inshuti  ye. Ntabwo ubucuti ari nk'urukundo, n’ubwo bifitanye isano ya hafi. Inshuti yawe ntabwo uyisaba ngo reka tube inshuti, ahubwo mwebwe mwisanga muhuje waba ufite ikibazo ukakiyibwira,ibyishimo mukabisangira, no mu bihe by’amage n’amanzaganya mugatwaza mujya mbere. Ikakumenya na we ukayimenya. Mu gihe urukundo ushobora kurusaba umuntu akarukw...
Read more

Amafaranga yo kurya

-
Image
Mu miryango myinshi yifashije, ababyeyi bafite umuco wo gusigira abana babo amafaranga yo kuguramo ibyo bashaka mu gihe bagiye ku ishuri cyangwa se basigaye mu rugo. Aya mafaranga benshi bayita amafaranga yo kurya kuko akenshi bayaguramo ibyo kurya nka bonbon, amandazi, imigati cg se na biscuits. Umubyeyi rero wari amenyereye gusigira abana be amafaranga yo kurya, umunsi umwe yarayasize nk'ibisanzwe nuko ajya mu kazi ke. Umuhungu we wari umeyereye ko amafaranga ye bayaha umukozi akajya kumugurira imigati uwo munsi si ko yabigenje. Mu gusohoka mu rugo iwabo akajya gukina n'abandi bana, yagezeyo bamubwira ukuntu nibamara kugurisha ibyuma bishaje amafaranga bazayarya. Iryo jambo yaritaye mu gutwi nta no kubaza uko bizagenda, yahise yiruka bwangu ajya kureba aho amafaranga se yayasize maze afata igiceri cy'ijana aragitamira arakimira maze aba ariye amafaranga. Ntiyagumye aho kuko yahise asubira kuratira ba bana bagenz...
Read more

INKOMOKO Y'UBURAKARI

-
Image
INKOMOKO Y'UBURAKARI Uramutse uvuze ko utajya urakara ntiwaba uri kure y'ikinyoma kuko mu buzima bwa buri munsi duhura na byinshi biturakaza. Umuntu muzima agira amarangamutima. Muri ayo ngayo harimo n' uburakari. Uburakari ni amarangamutima aza iyo ubugize agize igikomere cyaba icyo ku mubiri cyangwa se icyo mu mutima we, iyo kandi agize ikintu abura, bukagaragazwa n'ibikorwa bigaragara ako kanya cyangwa ibikorwa byo mu bitekerezo… bigakorwa n’uwarakaye abyikorera cyangwa abikorera abandi. Uburakari kandi ni amarangamutima yerekana ko umuntu atanyuzwe n'ibimubayeho (ku mubiri, yumvise cyangwa abonye…).  Ibintu biturakaza ni byinshi. Bigenda bitandukana bitewe na buri muntu. Ariko akenshi uburakari buzanwa no kuba umuntu atishimiye ibyo ari kubona cyangwa se ibiri kumubaho. Urugero: umuntu akwangirije ibintu birakubabaza bikanakurakaza, hari amagambo bakubwira ugasanga ashatse kuzamura kamere (kwica umuntu mu mutwe). Bushobora kandi...
Read more